काभ्रे । बुडोल सामुदायिक बचत तथा ऋण सहकारी संस्थाले आफ्ना सदस्यहरुलाई सवारी साधनको ब्लुबुक नवीकरणकोलागि सहजीकरण गरिदिने भएको छ । संस्थाले सदस्यको ब्लुबुक नवीकरणकोलागि स्मार्ट सर्भिस ईन प्रालिसंग सम्झौता समेत गरेको छ ।

संस्थामा आवद्ध सदस्यहरुले अब दुई पांग्रे तथा चार पांग्रे हलुका सवारी साधनको ब्लुबूक नवीकरण गराउन सक्ने जनाइएको छ । सम्झौतामा संस्थाका प्रमुख कार्यकारी अधिकृत बिबेकराज ठकुरी र स्मार्ट सर्भिस ईन प्रालिका प्रमुख संचालन अधिकृत जनक रावलले हस्ताक्षर गरेका थिए ।

संस्थाले दुइ पाङ्ग्रे सवारी साधनको ब्लुबूक नवीकरण गराउनको लागि ३५० रुपैंयाँ र चार पाङ्ग्रे हलुका सवारी साधनको ब्लुबूक नवीकरणको लागि ४५० रुपैंयाँ सेवा शुल्क तय गरिएको जनाइएको छ ।