दोलखा । जिल्ला सहकारी संघ, दोलखाले २९ औं स्थापना दिवस मनाएको छ । स्थापना दिवसको अवसरमा संघ/संस्थाहरुलाई सम्मान तथा पुरस्कार घोषणा गरेको छ । सम्मान तथा पुस्कार छनोट समितिका संयोजक तथा संघका उपाध्यक्ष देवीप्रसाद शर्माले पुरस्कार घोषणा गरेका हुन ।

आन्नददायीक बहुउद्देश्ययि सहकारी संस्थाका ताराबहादुर बस्नेत उत्कृष्ट ब्यवस्थापक भएका छन् । त्यसैगरी  जिल्लाको उत्कृष्ट कर्मचारी पुरुषतर्फ जनमुखी बचत तथा ऋण सहकारी संस्थाका लेखा प्रमुख नकुल घिमिरे र महिलातर्फ मिलिजुली कालिञ्चोक बचत तथा ऋण सहकारी संस्थाका लेखा साहायक ईन्दिरा दहाल उत्कृष्ट घोषणा भएका छन् ।

त्यस्तै संघमा उत्कृष्ट कारोबार गर्ने बैतेश्वर ५ मा रहेको जनसचेतन बचत तथा ऋण सहकारी संस्था उत्कृष्ट भएको छ । सहकारीमार्फत उत्कृष्ट व्यवसाय गर्ने भिमेश्वर बहुउद्देश्ययि सहकारी संस्था भएको छ । उक्त सहकारीले हाल दाना उघोग सञ्चालनमा ल्याएको छ ।

संघले पूर्व सञ्चालक सम्मानमा यस वर्ष दोलखा जिल्ला गौरीशंखर गाउँपालिकामा रहेको जनउपकार बचत तथा ऋण सहकारी संस्थाका संस्थापक अध्यक्ष र जिल्ला सहकारी संघका पूर्व सञ्चालक स्वः पुस्कर बहादुर खड्कालाई सम्मानित गर्ने भएको छ ।

संघले जिल्लाको उत्कृष्ट सहकारीकर्मी यस वर्ष जनसचेतन बचत तथा ऋण सहकारी संस्थाका निर्वतमा अध्यक्ष, बागमती प्रदेश सहकारी संघका महासचिव भीमप्रसाद दहालाई सम्मान गर्ने भएको छ ।

त्यसैगरी असली ऋणीबाट जुनतारा कृषि सहकारी संस्थालाई सम्मान गर्ने भएको छ । नियमित कारोबारतर्फ सिर्जना बचत तथा ऋण सहकारी संस्थालाई सम्मान गर्न भएको छ । सञ्चारकर्मी तर्फ रेडियो शैलुङ्गका स्टेसन म्यानेजर विनिता शिवाकोटीलाई सम्मानीत हुनेभएकी छन् । 

जिल्लाको उत्कृष्ट महिला सहकारी संस्थामा परोपकार महिला बचत तथा ऋण सहकारी संस्थालाई सम्मान गर्ने भएको छ । प्राविधिक सहयोग सयपत्री साकोसलाई प्रदान गर्ने निर्णय गरेको छ । सम्मान तथा पुरस्कार संघको १६ औं बार्षिक साधारणसभामा प्रदान गरिने संघका अध्यक्ष हेमन्त चौलागाईले बताए ।