लेखापरीक्षक नियुक्तिकोलागि १५ दिनको अल्टिमेटम, सूचना सहित

लेखापरीक्षक नियुक्तिकोलागि १५ दिनको अल्टिमेटम, सूचना सहित :: Sahakari Akhabar

इटहरी । प्रदेश नं. १ मातहतका सहकारी संघ/संस्थाले साउन १५ गते भित्र लेखापरीक्षक नियुक्तिको जानकारी पठाउनुपर्ने भएको छ ।

प्रदेश सहकारी रजिष्ट्रार कार्यालयले साउन एक गते सूचना प्रकाशित गरी क्षेत्राधिकार भित्रका सहकारीलाई १५ दिन भित्र लेखापरीक्षकको विवरण पठाउन निर्देशन दिएको हो ।

कार्यालयले सहकारीले नियुक्त गरेको लेखापरीक्षकको नाम र ठेगाना, विगत तीन वर्षको लेखापरीक्षकको नाम र ठेगाना, लेखापरीक्षकको लेखापरीक्षण इजाजत पत्रको प्रतिलिपि पठाउन सूचना जारी गरेको हो ।

यसैगरी सहकारीले लेखापरीक्षकको नियुक्ति र पारिश्रमिक तोक्ने सम्बन्धी साधारण सभाको निर्णयको प्रतिलिपि र सम्बन्धित लेखापरीक्षकले संस्थाको लेखापरीक्षक हुन अयोग्य नभएको भनि दिएको लिखित जानकारी पनि कार्यालयमा पठाउनुपर्ने जनाएको छ ।

सहकारीले कार्यालयमा आएर, हुलाकबाट वा कार्यालयको इमेल ठेगानामा समेत विवरण पठाउन सकीने जनाएको छ ।

सूचना हेर्न यहाँ जानु हाेला ।

लेखापरीक्षक नियुक्तिको जानकारी पठाउने सम्वन्धी सूचना ! ! !


 




Leave a comment