काठमाडौं । राष्ट्रपति रामचन्द्र पौडेलले आज एकमात्र अध्यादेश जारी गरेका छन् । सरकारले सिफारिस गरेका ६ मध्ये उनले सहकारीसम्बन्धी अध्यादेश जारी गरेका हुन् । सरकारले गरेको सिफारिसको आधारमा राष्ट्रपति पौडेलले सहकारीसम्बन्धी अध्यादेश जारी गरेको राष्ट्रपति कार्यालयले जनाएको छ।

संविधानको धारा ११४ को उपधारा १ बमोजिम सहकारी (पहिलो संशोधन) अध्यादेश, २०८३ जारी गरिएको राष्ट्रपति कार्यालयका प्रवक्ता रितेशकुमार शाक्यले जनाएका छन् । अध्यादेशमा सहकारी सङ्घहरूलाई बचत तथा ऋणको कारोबार गर्न रोक लगाएको छ भने, बचत तथा ऋणको कारोबार गरिरहेका सहकारी सङ्घहरूले तीन वर्षभित्र उक्त कारोबार बन्द गर्नु पर्ने उल्लेख छ।