काठमाडौं । संघिय सहकारी विभाग र सहकारी प्रशिक्षण तथा अनुसन्धान केन्द्र एकिकृत भएका छन् । सहकारी विभाग र सहकारी प्रशिक्षण तथा अनुसन्धान केन्द्रलाई एकीकृत गरी सहकारी रजिस्ट्रारको कार्यालय भएको जनाइएको छ ।

सहकारी विभागले सूचना जारी गरी भूमि व्यवस्था, सहकारी, संघीय मामिला तथा सामान्य प्रशासन मन्त्रालयको संगठन तथा ब्यवस्थापन सर्वेक्षण हुँदा साविकको सहकारी विभाग र सहकारी प्रशिक्षण तथा अनुसन्धान केन्द्र एकीकृत भई सहकारी रजिस्ट्रारको कार्यालय भएको जनाइएको हो ।

सहकारी रजिस्ट्रारको कार्यालयमा एक रजिस्ट्रार (सहसचिव) सहित ३७ दरबन्दी स्वीकृत गरिएको छ । यसअघि ती दुई निकायमा गरी कुल ५५ दरबन्दी कायम थियो ।