Sahakari Akhabar

नेपालपत्र न्यूजका सम्पादक खड्का बागमती प्रदेश संघबाट सम्मानित

नेपालपत्र न्यूजका सम्पादक खड्का बागमती प्रदेश संघबाट सम्मानित :: Sahakari Akhabar

काठमाडौं । बागमती प्रदेश सहकारी संघले नेपालपत्र न्यूज डटकमका सम्पादक माधव कुमार खड्कालाई सहकारी सञ्चारकर्मी विधामा सम्मान गरेको छ । आज सम्पन्न तेश्रो साधारणसभाको अवसरमा सम्पादक खड्कालाई संघले सम्मान गरेको हो । संघले यस वर्षबाट विभिन्न विधामा व्यक्ति तथा संस्थालाई सम्मान गर्न शुरु गरेको छ ।

कार्यक्रमका प्रमुख अतिथि बागमती प्रदेशका संस्कृति पर्यटन तथा सहकारी मन्त्री पुकार महर्जनले खड्कालाई सम्मानपत्र प्रदान गरेका हुन् । संघका अध्यक्ष रामशरण शर्मा घिमिरेको अध्यक्षतामा भएको कार्यक्रममा विभिन्न विधामा व्यक्ति तथा संस्थाहरुलाई समेत सम्मान गरिएको छ । खड्का विगत एक दशक देखि सहकारी क्षेत्रको बारेमा कलम चलाउँदै आएका छन् । 



Leave a comment