काठमाडौं । महेन्द्रनगर कञ्चनपुरमा रहेको उदयदेव बहुउद्देश्यीय सहकारीद्धारा प्रधानमन्त्री दैवी प्रकोप उद्धार कोषमा २ लाख ११ हजार रुपैयाँ सहयोग गरेको छ । संस्थाले बाढी प्रभावित क्षेत्रका बासिन्दाहरुको राहत तथा पुनस्र्थापनाका लागि २ लाख ११ हजार रुपैयाँ सहयोग उपलब्ध गराएको हो ।

भदौ १० गते बुधवारका दिन बिहान भोटेकोशी नदीमा आएको विनाशकारी बाढीले रसुवा, नुवाकोट, धादिङ र गोर्खालगायतका जिल्लाहरुमा भएको ठुलो धनजनको क्षतिप्रति संस्थाले गहिरो दुःख ब्यक्त गर्दै आर्थिक सहयोग गरेको छ । विपद् कसैको एक्लो समस्या होइन, यो हामी सबैको साझा जिम्मेवारी हो ।

यस कठिन परिस्थितिमा प्रभावित नागरिकको तत्काल आवश्यकता र कठिनाइलाई मध्यनजर गर्दै यस संस्थाको तर्फबाट सहयोग उपलब्ध गराउने साथै संस्था सधै समुदायको सुख दुःखमा साथमा रहेको र आगामी दिनहरुमा पनि आवश्यक सहयोग एवं सहकार्य जारिराख्ने प्रतिबद्धता रहेको संस्थाका अध्यक्ष नारा जोशी तथा प्रमुख कार्यकारी अधिकृत गणेशबहादुर चन्दद्धारा जारी विज्ञप्तीमा उल्लेख छ।