काठमाडौं । बर्दिवास बचत तथा ऋण सहकारी संस्थाले तीज विषेश कार्यक्रम गरेको छ । संस्थाको महिला उप समितिका संयोजक सरीता गौतमको संयोजकत्वमा संस्थाका अध्यक्ष शंकरकुमार श्रेष्ठको प्रमुख आतिथ्यता कार्यक्रम सम्पन्न भएको हो ।

कार्यक्रममा संस्थाका उपाध्यक्ष निर्मला देवि कार्की, सचिव भवनाथ खतिवडा, संस्थाका कोषाध्यक्ष सन्तोषकुमार श्रेष्ठ तथा संस्थाका मूख्य ब्यवस्थापक रमेशबहादुर सिंहको आतिथ्यता रहेको थियो । महिलाहरुको बिस्तारीत भेला तथा तीज विशेष कार्यक्रम संस्थाको पर्व बचत योजनामा समावेश भएका महिला सदस्यहरुको उपस्थितीमा सम्पन्न भएको हो ।

संस्थाका कोषाध्यक्ष सन्तोषकुमार श्रेष्ठले कार्यक्रमको सफलताको शुभकामना ब्यक्त गरेका थिए । यसैगरी कार्यक्रममा संस्थाका मूख्य व्यवस्थापक रमेशबहादुर सिंहले भेला तथा तीज विशेष कार्यक्रमको शुरुवात, औचित्य, तथा समावेश हुनसक्ने प्रावधानलगायतका विषयमा प्रष्ट पारेका थिए । संस्थाका सचिव भवनाथ खतिवडाले संचालन गरेको कार्यक्रमलाई संस्थाका उपाध्यक्ष निर्मला देवि काकीले स्वागत मन्तव्य राखेकी थिइन् ।