काठमाडौं । भक्तपुरको कौशलटारमा मुख्य कार्यालय रहेको शिवशिखर बहुउद्देश्यीय सहकारी संस्थाका बचतकर्ता सदस्यलाई नआत्तिन सहकारी विभागले अनुरोध गरेको छ । विभागले संस्थालाई समस्याग्रस्त घोषणा नगरी बचतकर्ताको पैसा फिर्ता गर्ने तयारी गरिरहेको जनाएको छ ।

सहकारी विभागका रजिष्ट्रार नमराज घिमिरेले भने ‘सहजीकरण भइरहेको छ, संस्थाका संचालकहरुले हामी बचतकर्ताको पैसा फिर्ता दिने प्रतिवद्धता गर्छौ भनेर आए भने विभागले सहजीकरण गरिदिन्छ, उचित कार्ययोजना ल्याउनुपर्छ र बचतकर्ताको पैसा फिर्ता हुने योजना पनि हुनुपर्छ, त्यसो भयो भने विभागले सहजीकरण गर्छ । फेरीपनि ढाक छोप गर्ने काम भयो भने नियम कानुन बमोजिम विभाग अघि वढ्छ । अहिले सास्याग्रस्त घोषणा गर्ने सोच छैन ।’